Inilah catatan yang waktu itu dibilang Mila saat perkuliahan Bahasa Indonesia. Inilah catatan dari orang yang tak mau mengaku bego tapi ternyata bego, hehehe. Inilah catatan dari teman saya, si Citra. Dan inilah dan inilah, dan inilah begitu banyak, Inilah catatannya;
“Kuliah tuh tara gampang. Susah !!! me bagimana tara susah, dapa kase tugas deng karong – karong (karong kopra punya lagi), balom lagi dapa dosen bringas, doi di popoje me bringas lagi. Paling terharu nih deng tamang – tamang yang tinggal tapisah deng dong pa orangtua.. rasa – rasa aermata jatong lia dong p hidup. Dong p doi so senin – kamis baru tamba deng rindu mama deng papa dikampong. Tapi kita salut pe dorang. Secara dong so kase praktek gaya hidup mandiri. Dong itu orang – orang yang bapikir ekonomis. Penuh perhitungan. Kita angka jempol buat dorang. Dong pe cobaan tuh lebe banyak daripada toorang nih yang tinggal deng karja Cuma tada tangan di orangtua.
Mama bilang “me bagitu sudah, kalo mau jadi manusia tuh susa – susa dulu. Baru sanang cicil dari balakang” (artinya selama ini ni tong masi jadi binatang bagitu mama ??#pasang tampang fuma) mama langsung bacigi lap deng panta balanga.
Jadi ana kulia ni dia pe susah minta – minta ampong babaasap. Tiap hari karja kong mangada tugas deng susun – susun. So bagitu baru musti print out. Jou yaa bae kong tong ada print,me yang laen ni..sampe babagembel ditamang yang ada print tuh bru dong pe muka satu – satu simerlap 2011 punya. Yang ada print me hati susah lia dong p tampang, jadi ambel alternatif dari yang 1 lembar di rental 1000 rupe’ah dong kase turung sampe 1 lembar 500 rupe’ah. Biar bagitu me ana – ana yang trada print nih sihasa pikiran lagi kong ba cicil palang – palang sampe yang ada print me lupa (pengalaman kapa kong).
Kita kulia di salah satu kampus di jurusan gizi. Skarang so semester 5. So mau dapa kase tugas akhir bikin KTI. Balajar ilmu gizi tuh bukan hal gampang. Secara ilmu gizi bukan ilmu mati. Dia tuh iko perkembangan jaman. Jadi kalo jaman semakin terang tong p ilmu me musti iko tarang. Tara bisa galap.galap lah jadi ajaran sesat.
Tong mahasiswa gizi yang semester 5 nih dia pe isi spesies langka samua. Punya keistimewaan a.k.a kelainan masing – masing. Tapi tong samua kompak (iyo kompak, kompak lari pulang, kompak pi makan siang di orang kaweng, kompak pigi cari mati di foramadiahi, kompak bikin libur tamba – tamba). Sampe dosen me bilang kalo semester 5 tuh lancang diatas lancang. Tapi macam tamang – tamang tuh dong tara tobat kong bangga !!! bicara soal lancang, tara bisa dipisahkan dari mahluk bernama masita. Mace 1 ni dia pe orang kritis skali. Kita fans kong dia so angka Sharing di dosen – dosen. Dia ini tong pe ketua tingkat. Dia pe pikiran tuh brutal skali, alias tara tako – tako. Pokoknya 1 hal yang tara tamaso deng dia p pendapat tuh langsung angka tangan dah, protes..
Tong samua ada 37 orang. Tapi bagitu sudah mangkali yang laeng rasa tara cocok deng jurusan kapa kong dong gugur. Jadi yang bertahan nih tinggal 32 orang. 4 laki – laki, 28 parampuang. Yang paling sadap tuh mangkali saat praktek mumasa. Soalnya abis praktek tuh tong bisa makan rame – rame. Nah dari situ kapa tong pe kebersamaan tuh dia kental (susu cap kampak).
Di dalam klas tuh dong ada bikin geng – geng. Ada geng jailolo, geng Jasbuket, geng teletabis pokoknya banyak dah. Samua deng dong pe misi laen – laen.
Geng jailolo tuh dia p isi ada rita, uni, dewi, mini deng sila. Dong ini ni orang – orang brat samua. Tarada yang bisa lawang. Apalagi dong pe ketua geng, rita tuh sudah NO COMENT !!! haha. Sebenarnya dong paling emosi tong pangge geng jailolo. Secara geng itu tara pernah terbentuk.pisss jang borong kita.
Kalo geng jasbuket itu ada evi, linda, ida, julfa deng erni. Weh dong ini paling kompak sudah. Kalo ada yang tara maso kampus, pasti samua iko tara maso. Tapi mangkali linda kapa yang setia di kampus (dia pengkhianat kong).
Geng teletabis apalagi. Hamadan geng ini dia pe isi penyanyi rock samua. Dong kalo so dudu rapat paripurna tuh, rameeeeee, suara membahana dalam klas.dia pe lider kayaknya ramlah kapa. Barang dia pe suara yang paling unggul. Anggota geng teletabis itu ada ama, nita, dian, ona deng anis. Ta lebe sanang kalo bakumpul deng dorang, secara dong pe gosip itu gosip terapdet saat ini, buahaha.
Adalagi dong Fir p geng. Weh geng ekselent dorang tuh. Dong paling rajin bikin tugas. Baru yang laen tuh dosen p ana kesayangan. Cuma kita tara tau dong p nama geng apa, secara dong p geng itu geng papan atas trada. Elin, wati, kiki, fir deng yati. Pokoknya setiap ada acara di klas pasti dia pe panitia tuh dorang. Kalo kita, mangkali karja Cuma bawa puru deng tada mulu saja.
Kalo kita ?? tarada. Kita tara bikin geng. Cuma suka baku bawa saja dengan ana hoga 4 orang.dong saja yang hoga, Kita tarada. Mil, mas, anti deng put. Tong tuh santae – santae saja. Mau gabung di klompok mana, hayokkk..kalo so bakumpul tuh satu satu pe panyake timbul. Tatawa sampe ta flatus – flatus..ce itu dorang saja, kita tarada..hahaha..
Ada lagi ta pe abang 2 orang, musmin deng basten. Ampong dong 2 nih romens skali. Kalo ada basten tapi tarada mus itu kayak makan di kantin amo goreng tara pake dabu – dabu. Tara sadap..tara hitung jam deng sebastian waiola so bacabu sudah..kita lia dong 2 nih kayak tarada beban hidup.santae saja.padahal tamang – tamang yang laen so mau tinggelam deng tugas – tugas..tapi itulah dong 2 p prinsip..